Warp Bortz Euskadi irratian: MISSION ACCOMPLISHED

Makilakixki misiotik itzuli da eta espero bezala misioa arrakastatsua izan dela baieztatu digu. Euskadi Irratiko Amaraunean Haritz eta Maite blogariekin batera eta Arantza eta Andoni kazetarien gidaritza pean eginiko saioa laburra izan bada ere, atsegina, interesgarria eta dibertigarriya izan da, eta horrek, dudarik gabe, jarraian datorrena asko erreztuko digu.

Zuzenean entzuteko aukerarik izan ez duten kamaradek badute une loriatsuaren lekuko izateko aukera, bai Warp Bortzen bertan entzunez (entzuteko aukera martxan jartzea lortzen badut), eta baita astero astero Teknopatak plazaratzen duen podkasta entzunez.

Lagunok, hurrengo pausoa prestatzen hari gara jada, eta luze gabe martxan jarriko dugunaren uste osoa daukagu. Estralurtar, robot, zonbi eta gainerako kamaradak, iraultza hasia da eta geldiezina da.

Oharra: Eskerrak eman nahi dizkiet Amarauna taldeko guztiei, bai eta blogari kolaboratzaileei eginiko gonbiteagatik. Esker mila hain ongi pasarazi didazuen goizagatik. Ikeagarriya, awesomea izan da.